قصيدة لعيون ابو عمار !!

وين عيونك تشوفنا يا أبو عمار؟

شو كان عم بيصير وشو هلق صار؟

شعبك شعب الثوار!

عم نتقاتل وكأنا ولآد صغار

كنت دايما تقلنا الجار للجار

كنت تقلنا نرفع راسنا لفوق لأنا كبار

وهلق عم نحرق زيتونا بالنار

شعبك شعب الأبطال عم ينهار

وأنا عندي اللك شوية أسرار

الإخوة بينهم أمتار وأمتار

بينا وبين غزة وجنين أسوار كتار

وصرنا ببلادنا مثل الزوار

والدار ما عادت دار

نرفع السلاح بوجه بعضنا ونسينا الانتصار

ونسينا حلم الأحرار

نسينا فؤاد ومحمد وعطا وشهداء كتار

لا...أوعى تبكي يا أحلى ختيار

لسا بادينا الخيار

وما في ليل الابعدو نهار

ولسا عنا رجال ورجالنا كتار

راح نرجع الدار بجنب الدار

وعمرنا ما ننسى انو نحنا الشعب الجبار

ونعتبر انو إلي صار عمرو ما صار

ونمشي على كلمتك بأنا كلنا فلسطينية

بكل عزة وافتخار