شرح كيفية الربح المجانى من A الى Z

السلام عليكم ورحمة الله وبركاته


-------------


سنبدأ ان شاء الله معا مرحلة جديدة فيما يسمى بالربح المجانى من المنزل

اوما يسمى :

Make Your Money IN Your House



ويعلم الله ان الموضوع جاد وليس خدع

وأنه من الناحية الشرعية ليس حراما باذن الله

والمطلوب من الكل تفتيح مخه كويس
وصدقونى ان شاء الله مش هتندموا
بس اقرأوا الموضوع لاخره


فى البداية يجب ان يعلم الجميع ان الموضوع كبير ولا اقول صعبا انما كبير

والقصة للتسهيل على المستجدين فى الموضوع هى الاعلانات غالبا



فالموضوع ينحصر فى ان هناك شركات ومؤسسات تريد الاعلان عن نفسها وعن منتجاتها

ذى شركة Pepsi مثلا

تقوم هذه الشركات بالاعلان عن نفسها وعن منتجاتها فى مواقع معينة على النت

ذى مابتعلن عن نفسها وعن منتجاتها فى ال TV


وهذه المواقع تسمى اوتعتبر ايضا شركات

ذى شركة Bux2 مثلا .. وهى من اشهر الشركات فى هذا المجال

طيب والشركة المعلنة التى تضع اعلاناتهاعلى هذه المواقع تقوم بالدفع على اساس ايه ؟؟



اقولك على اساس عدد مرات الضغط على هذه الاعلانات

يعنى كلما زاد عدد الناس اللى بتضغط على الاعلان زاد ربح الموقع من الشركة المعلنة



طيب هتقولى وانا دورى ايه فى القصة دى وازاى اكسب منها

اقولك تكسب وستيين تكسب كمان

ازاى بقه ؟؟؟ ...بص يا سيدى



احناعرفنا ان الشركة بتكسب كلما زاد عدد الناس اللى بتضغط على الاعلانات

بس...اظن وضحت .... يعنى الشركة (اوالموقع) تتمنى ان حضرتك وحضرتى والدنيا كلها تدخل

علشان تضغط على الاعلانات وتكسب اكتر واكتر



تقوم تعمل ايه الشركة (اوالموقع) بقه .. تقوم تغرييييك علشان تدخل تضغط على الاعلانات اللى عندها

هو ده نهاية الموضوع ان الشركة تديلك الفلوس مقابل الضغط على الاعلانات اللى عندها

فتعطيك غالبا 1 سنت على كل ضغطة لاى اعلان واحيانا اكثر
يعنى 0.01 دولار
وذلك بشرط وحيد فقط وهوان الاعلان يظل مفتوحا 30 ثانية سهلة مش يامه يعنى



وعلشان تفهم اكتر وتعرف مين المستفيد من القصة دى

بل وتتأكد ايضا ان الموضوع مش نصب ولاحاجة ولاخدعة يعنى



اقولك أن جميع الاطراف مستفيدة .... ازاااى ؟؟؟

اولا : الشركة المعلنة تستفيد ان ناس كتير ضغطت على الاعلانات بتاعتها وشافتها

وحتى لو قلتلى ان ناس مش بتقرأها الا ان فى ناس تانية بتقرأها

والشركة مش هبلة وعارفة ده كويس وبتدفع مقابل كده



ثُانيا : الشركة اوالموقع اللى حاطت اعلانات الشركة المعلنة عليه

بتاخد فلوس من الشركة المعلنة نظير وضع الاعلانات



ثالثا : حضرتك تستفيد بالفلوس اللى بتاخدها من الشركة

مقابل الضغط على الاعلانات



وبكده يكون كله مستفيد وده يأكدلك صدق الموضوع

وأظن ان الكلام مقنع



فاضل كام حاجة بسيطة كده طبعا انت عايز تعرفها

- ازاى هتاخد فلوسك دى

- وايه اللى يضمنلك ان الشركة دى مش نصابة

- بعد اما تعرف الحاجات دى هتقولى ان المبلغ مش كتير



والرد جاهزان شاء الله :

-------

ازاى تاخد فلوسك:

باختصار والتفصيل فيما بعد



ان حضرتك هتشترك فى بنك الكترونى

يعنى هيبقه لك حساب فى البنك ودى مسألة سهلة ان شاء الله متخفش

وتقوم الشركة بتحويل نقودك الى حسابك فى البنك

ثم يحول البنك الالكترونى نقودك الى اى بنك تختاره فى دولتك

ثم تقوم حضرتك باستلامه





بالنسبة لضمانات الشركات

مش حاجة يتخاف منها لان طبعا فى شركات نصابة ومعروفة كويس اوى

ذى ما فى نصب فى اى مجال فى الدنيا

وان شاء الله هنقولها حتى لاتنخدع منها

والباقى شركات صادقة



بالنسبة لنقطة ان المبلغ مش كتير اقولك غلطان

علشان انت لو تعرف كام شركة فى الموضوع ده مش هتقول كده

ياجماعة فى فى الموضوع ده مئات الشركات ... بجد... بس لاحق أنت

يعنى انت ممكن مثلا مكسبك يتراوح شهريا من 3-7 دولار من كل شركة واحدة



يعنى لو مشترك فى 30 شركة مثلا

ممكن المتوسط يصل الى 150 دولار فى الشهر

يعنى بالمصرى حوالى 800 جنيه واكتر فى الشهر وانت جالس فى مكانك



هتقولى طيب مانا اشترك فى شركة واحدة واشتغل عليها وخلاص

اقولك مينفعش علشان كل شركة بتديلك فى اليوم من 10 الى 25 اعلان فقط

ومينفعش تضغط على الاعلان الواحد اكتر من مرة



يعنى لوعايز تجمع فلوس يامه بجد

تشترك فى شركات يامه .. يعنى الموضوع انت وهمتك

و 30 شركة معقولين بمعنى ان الوقت المطلوب مش كتير حوالى ساعتين فى اليوم (اواقل لمحترفى النت)

وفى نفس الوقت المبلغ كويس



واللى عايز يزود هو حر

وان شاء الله لوعليه هاجيب اكترمن 100 شركة



كده المفروض خلصنا بس هقولك بس نصائح للتسهيل ودى حاجات مهمة جدا بجد
----------------------
طبعا المفروض انك هتشترك فى اكثر من شركة علشان شركة واحدة مش هتجبلك غير حوالى 30 جنيه فى الشهر

بس اللى مش فاضى وبيقعد تخاطيف على النت ممكن يشترك فى شركة اواتنين واهو احلى من مفيش



علشان متتلغبطش وتنسى حساباتك هتعمل الاتى :





- هتجهز أيميل جديد على الياهو : الأيميل دة لا تضيف حد علية و لا تستخدمة في مراسلة أي شخص


ولا حتى تقول لحد علية و الكلام دة مهم جدااااااااااا




- هتخلى اسمك والباسورد وكمان الايميل واحد فى كل الشركات

يعنى هتختاراسم موحد علشان متنساش

وطبعا يكون اسم محدش هيفكر فيه غيرك ويكون مرتبط بحاجة شخصية

يعنى مثلا واحد اسمه Ahmed هيختار اسمه ahmedss أو ahmedrr .... كده يعنى

وكذلك كلمة السر .. وكذلك الايميل (وياريت يكون على الياهو)

- كمان تخلى الحاجات دىموحدة فى حسابك فى البنك



- تعمل Folder على جهازك علشان تحط فيه Shortcut للشركات الكتير دى

يعنى كل شركة تعملها Add فى Favourite

يعدين كليك يمين عليها وتضغط Cut

يعدين تعملها Past فى الفولدر Folder الجديد

- علشان توفرفى الوقت ومتذهقش من الموضوع ده
المفروض انك تفتح اكترمن موقع فى نفس الوقت
يعنى3 مثلا ولوعندك نظام ال Tabs ممكن تفتح اكتر من 6 مواقع فىنفس الوقت
وان شاء الله هنوضح ده بفيديو فيما بعد



كده نكون خلصنا الشرح والحمد لله



يالااااااااااااا بقه نبدااااااااااااء

------------

أولا : لعمل حسابات بنكية

يوجد بنكين يحب التسجيل بهما



- بنك E-gold ---- وشرح التسجيل به من هنا

- بنك Alert Pay ---- وشرح التسجيل به من هنا



---------------------------------------------



ثانيا : للتسجيل فى الشركات جعلتها فى موضوع واحد من هنا



وقد اكتفيت بمثالين للشرح لشركتين مختلفتين

وباقى الشركات فالتسجيل بها لا يختلف كثيرا

وسيزيد شرح مزيد من الشركات مع الوقت باذن الله





باقى اهم شوية حاجات علشان ابقه خلصت ذمتى

----------

- الموضوع ده ان شاء الله مفهوش حرمانية

- الموضع ده فيه مزايا كبيرة لانه مصدر للمال الحلال بدل ما نضيع وقتنا فى ما يغضب الله على النت

ولذلك فرصة تستغل الوقت ده فى حاجات حلوة كمان

وانصحك بزيارة مدونتى من هنا لتحميل مباشرلأيات الله من القران والخطب الدينية

للاستماع اليها اثناء هذا العمل

- ارسل الموضوع لزملاؤك على الايميل وعرف اصدقائك به
اواعلم ان مكسب غيرك لايؤثرعليك
والا ما كنت لاعمل هذا الموضوع
ارسله من هنا

- متقعدليش 24 ساعة على الجهاز وتسيب مصالحك شغالة أوتسيب الصلاة مثلا

واعلم انه لابارك الله فى عمل يلهى عن الصلاة

اللهم بلغت اللهم فاشهد


و اسف اذا كان الكلام طويل والشرح ممتلئ ليصل الى كافة المستويات