خواطر2012 : خسرت حبك بكلمة احبك

خسرت حبك .. بكلمة أحبك !

　
كنت أخاف أقول أحبك وأخسر في الهوى حبك

وكنت أخاف أكتمها ويصيح الشوق فيني يحبك

قلتها غصب عني وأحسب اني ربطت حبي بحبك

ريتني ما قلتها عشان أشوف شو ردة فعل حبك

هلا بكلمـة أحبك خسرت أنا في الهوى حبك

شو تفيد ياقلبي الحسايف والآهات

شو تفيد ياقلبي القصايد والأبيات

مابتعب حالي وبالـي بكثر الكلمات

خسرت حبها بكلمة قلتها في لحظات

ماحيفيد الندم غير انه يزيد اللوعات

بسألك بالله يادمعي و شو جنيت من الألـم ..

جاوبني يادمعي شو لقيت من الآه و النـدم ..


سبحان مـن ينصر المظلوم خلقنا من العـدم ..

و انت يادمعي سبحانه بينصرك خالق القلـم ..

شو ذنبك يادمعي ؟

كل ما شكت عيني

تعانق الخـد وتجري

الى وين و لا تدري

آه ياعبرتي .. ياصديقة دمعتي .. شفتي اشلون حالتي ؟

السبب كلمتي .. قلتها على نيتي .. وبعدها اتغيرت حالتي !

توقعت تنمحي كربتي .. وأبدأ معه قصتي .. وتحلى معه حالتي !

بس ياللأسف .. خسرت حبه بكلمتي .. وحالتي حاله آه ياحالتي !

بعد ماكنت أنا عزيز وغالي صـرت الحين شخص ثاني

مدري هذا دلع من الغالي والا غلط انـي أحب ثاني

صارت يا ناس حالتي حاله

صرت انسان فاقد أعصابه

طول اليوم سارح في خياله

بس أفكر فعيونه و أهدابه

والله اني محتـاج بس أقابله

ماني مستوعب صده و قسوة كلامه

ماني مستوعب اني مو فارس أحلامه

ليه يا دنيا ليه تعاملينـي بجفا

شمـع حياتي من هجره انطفا

خسرت حتى حنانـه والدفا

والسبب اني أهديتـه الوفا

وقلت له اني أحبه .. وخسرت في الهوى حبه

لوماقلت اني أحبه .. كان كسبت طيبه وقربه